एजेन्सी । स्पेनिस ला लिगा अन्तर्गत आज (शनिबार) राति चार खेलहरु हुँदैछन् । आज हुने खेलमा शीर्ष स्थानको बार्सिलोनाले पुछारको लेगानेससँग प्रतिस्पर्धा गर्दैछ । लेगानेसको घरेलु मैदानमा हुने खेल नेपाली समय अनुसार साँझ ५ः४५ मा सुरु हुनेछ ।
आजको खेलमा सहज जित निकाल्दै बार्सिलोना शीर्ष स्थानमै रहने योजनामा छ । यता लेगानेस बार्सिलोनालाई हराउँदै अंक तालिकामा सुधार ल्याउने योजनामा छ ।
उक्त टेबुल अनुसार बार्सिलोना को 18 पोइन्ट छ भने लेगानेस को 6 पोइन्ट मात्र छ।
आज नै हुने अर्काे खेलमा दोस्रो स्थानको रियल मड्रिडले रियल सोसिडाडसँग प्रतिस्पर्धा गर्दैछ । खेल राति १ः४५ मा सुरु हुनेछ । लिगमा १२ खेल खेलेको रियल २५ अंक सहित तालिकाको दोस्रो स्थानमा छ । सोसिडाड भने १३ खेलबाट २३ अंक सहित तालिकाको पाँचौ स्थानमा छ ।
शनिबार नै हुने अर्काे खेलमा ग्रानाडाले एट्लेटिको मड्रिडलाई आतिथ्यता प्रदान गर्दैछ । यो सिजन लिगमा प्रवेश गरेको ग्रानाडाले पछिल्लो समय उत्कृष्ट प्रदर्शन गर्दे आइरहेको छ ।
