काठमाडौं, साउन २० । जाजरकोटमा दाल झान्ने क्रममा आगलागी हुँदा चार जना घाइते भएका छन् ।
जाजरकोटको बारेकोट गाउँपालिका–३ पछैरीस्थित एक घरको भान्सामा दाल झान्ने क्रममा आगलागी हुँदा घरभित्र रहेका सामानहरु झिक्ने क्रममा आगोले पोल्दा ४ जना घाइते भएको राष्ट्रिय जोखिम विपद न्युनिकरण प्राधिकरणले जानकारी दिएको छ । प्राधिकरणका अनुसार घाइतेको अवस्था सामान्य रहेको छ ।
घटनामा घरमा रहेको अन्नपात, लत्ताकपडा तथा गरगहना समेत पूर्ण रूपमा जल्दा २९ लाख ११ हजार ४ सय रुपैँया बराबरको क्षति भएको राष्ट्रिय जोखिम विपद न्युनिकरण प्राधिकरणले जनाएको छ।
यस्तै, जाजरकोटकै बारेकोट गाउँपालिका–९ मा घरबाट कालिमाटी तर्फ आउने क्रममा भिर माथिबाट ढुंगा खसेर टाउकोमा लागी एक जना घाइते भएको प्राधिकरणले जनाएको छ।
