काठमाण्डौं, भाद्र ३ । जाजरकोटको शिवालय गाउँपालिका वडा नम्वर ६ को वडा कार्यालय बाढिले वगाएको छ ।
मंगलवार रातिबाट परेको अविरल बर्षासँगै आएको बाढीले वडा कार्यालय बगाएको गाउँपालिकाले जनाएको छ । गाउँपालिका अध्यक्षका अनुसार वडा कार्यालयको आधा भाग बगाईदिएको हो
सोहि समयमा वडा नम्बर ६ का दर्जनौं पशुचौपाया बाढीले बगाएको हो । वडा नम्बर ६ भित्रै पर्ने लोतपाखा, ठकुरी जाँत, रोकाय जाँत, रिसिना, धिरपना, टोटापोखरा, पाल्त गाउँका डेढ सय भन्दा धेरै घरहरु जोखिममा छन् । २८ वटा घर तत्कालै सार्नुपर्ने स्थिति रहेको पालिकाले जनाएको छ ।
