काठमाडौं,कात्तिक २० : अभिनेता अनमोल केसी र अभिनेत्री सुहाना थापा अभिनित चलचित्र ‘ए मेरो हजुर ३’ युट्युबमा रिलिज भएको छ । हलमा रिलिज भएको डेढ वर्षपछि बुढासुब्बा डिजिटलबाट यूट्युबमा सार्वजनिक गरिएको हो ।
दिपावली नजिक आउँदै गर्दा बक्सअफिसमा ब्लकबस्टर व्यापार गरेको चलचित्र अब दर्शकले युट्युबमा हेर्न पाउने भएका हुन् ।
यो झरना थापाको निर्देशन र सुनिल कुमार थापाको निर्माणमा बनेको चलचित्र हो । यो अभिनेत्री थापाको डेब्यु चलचित्र हो । यद्यपि उनले ‘ए मेरो हजुर ३’बाटै बाल कलाकारको रुपमा भने चलचित्रको पर्दामा प्रवेश गरिसकेकी थिइन् ।
चलचित्रमा अनमोल र सुहानाका साथै सलोन बस्नेतको पनि मुख्य भूमिका रहेको छ । हलमा जस्तै युट्युबमा पनि चलचित्रले सफलता पाउने विश्वास निर्माण पक्षले लिएको छ ।
