काठमाडौं,मसिंर १९ । गायक किरण भुजेल र एलिना चौहानको स्वर रहेको गीत ‘कान्छी मट्याङ ट्याङ’ म्यूजिक भिडियोसहित सार्वजनिक भएको छ । किरण भुजेलकै प्रस्तुतिमा तयार भएको गीतमा नेपासिनेले सहकार्य गरेको छ ।
सुनिल कटुवालको शब्द रहेको गीतमा प्रेम घिमिरेले संगीत दिएका छन् । यो गीतको भिडियोलाई विधान कार्कीले निर्देशन गरेका हुन् । विधानले निर्देशन गरेका पछिल्ला भिडियोहरु चर्चामा छन् ।
भिडियोमा मनिषा थापाको कोरियोग्राफी, विकास दाहालको सम्पादन र उत्सव दाहालको छायाँकन रहेको छ । कान्छी मट्याङ ट्याङमा स्कुले जीवनमा हुने चञ्चलता, प्रेमको कुरा भिडियोमा हेर्न सकिन्छ ।
भिडियोमा किरण भुजेल, श्रेया सिटौला, अजय श्रीज, एलिना चौहान र सुनिल कटुवालको अभिनय देख्न सकिन्छ ।
