काठमाडौँ, मङ्सिर २२ । सरोज साजन श्रेष्ठ र समीक्षा अधिकारीको स्वर रहेको डान्सिङ गीत ‘त्यस्तै त्यस्तैमा’ सार्वजनिक भएको छ । गीतमा यादव लम्सालको शब्द तथा अर्जुन पोखरेलको संगीत रहेको छ । गीतमा युवायुवतीबीचको प्रेम, आकर्षण र माया प्रस्तुत गरिएको छ।
विधान कार्कीको निर्देशन रहेको छ । गीतलाई अर्जुनले डान्सिङ शैलीमा प्रस्तुत गरेका छन्। भिडियोमा सुधीर श्रेष्ठ, श्रेया सिटौला, डिमोन क्षेत्री र रुविसा श्रेष्ठको मोडलिङ हेर्न सकिन्छ। भिडियोमा प्रकाश घिसिङको लगानी, सुरेन्द्र बसेलको कोरियोग्राफी, विकास दाहालको सम्पादन र उत्सव दाहालको छायांकन छ।