काठमाडौँ, पुस १८ । सुदूर पश्चिम प्रदेशलाई हराउँदै विभागीय टोली एपीएफ दाङको लमहीमा जारी प्रधानमन्त्री कप महिला राष्ट्रिय क्रिकेट प्रतियोगिताको फाइनल प्रवेश गरेको छ ।
शनिबार भएको पहिलो सेमिफाइनल खेलमा एपीएफले सुदूरपश्चिम प्रदेशलाई ९ विकेटले पराजित गरेको हो ।
फाइनल पुग्ने क्रममा सुदूर पश्चिमले दिएको ६१ रनको विजयी लक्ष्यलाई एपीएफले १५ ओभरमा मात्र १ विकेट गुमाएर पूरा गर्यो ।
एपीएफका लागि ज्योेती पाड्यले सर्वाधिक २६ रनको योगदान गरिन् । त्यस्तै सरिता मगरले १९ रन बनाउँदा कप्तान सीता राना मगरले ७ रनको योगदान गरिन् । बलिङतर्फ सुदूरपश्चिमका लागि कविता कुँवरले एक विकेट लिइन् ।
त्यसअघि खराब मौसमका कारण १६ ओभरमा घटाईएको खेलमा टस जितेर पहिले ब्याटिङ गरेको सुदूर पश्चिम प्रदेशले निर्धारित पूरै ओभर खेल्दै ७ विकेट गुमाएर ६० रन बनाएको थियो ।
बलिङतर्फ एपीएफका लागि करुणा भण्डारीले सर्वाधिक तीन विकेट लिइन् । त्यस्तै कप्तान सिता राना मगरले पनि एक विकेट लिन सफल भइन् ।
यस्तै टोलीका लागि ओपनर ब्याटर रेवती धामीले १२ रन तथा कविता कुवँरले ९ रन बनाएकी थिइन् ।
बलिङतर्फ एपीएफका लागि करुणा भण्डारीले सर्वाधिक तीन विकेट लिइन् । त्यस्तै कप्तान सिता राना मगरले पनि एक विकेट लिन सफल भइन् ।
अब एपीएफले प्रदेश १ र लुम्बिनी बीच हुने दोस्रो सेमिफाइनलको विजेतासँग आईतबार उपाधिका लागि प्रतिस्पर्धा गर्नेछ ।
