काठमाडौं पुष २० : नायक पल शाह र मोडल रेश्मा घिमिरे अभिनित ‘क्या मज्जा आको’ बोलको गीत सार्वजनिक भएको छ ।
एजिएल इन्टरटेन्मेन्टको प्रस्तुती रहेको यो गीतको भिडियो एजिएल कै अफिसियल यूट्युब च्यानल मार्फत् सार्वजनिक भएको हो।
यो गीतमा राजनराज सिवाकोटीको संगीत, राजनराज र मेलिना राइको स्वर, राजनराजकै शब्द छ ।
यो गीतको भिडियोमा पल कृष्ण र रेश्मा सीताको भूमिकामा देखिएका छन् । भिडियोमा कलाकार निर्मल शर्माको पनि अभिनय छ । भिडियोमा एक नाटकमा रहेका कलाकारहरुको वर्कशपको कथालाई देखाइएको छ ।
भिडियोका निर्देशक गम्भीर बिष्ट हुन् भने नवराज उप्रेतीले छायाँकन गरेका हुन्। सम्पादन तथा कलर ग्रेडिंग नबिन निरौलाले गरेका हुन्।
