काठमाडौँ, माघ ७ – गतबर्षको दशैंमा सार्वजनिक भएको चलचित्र ‘छ माया छपक्कै’ युटुबमा सार्वजनिक गरिएको छ । आजबाट दर्शकहरुले नेपाली चलचित्र ‘छ माया छपक्कै’ आफ्नै मोबाईलबाट हेर्न पाउँने भएका छन् ।
राजनीतिक कथा बस्तुमा आधारित चलचित्रलाई दर्शकहरुले धेरै माया दिएको र धेरै दर्शकहरुलेले यो चलचित्रलाइ हलमा, चलचित्र एपमा, डिस होममा माया गर्नुभएकोमा आभारी व्यक्त गर्दै आजबाट युटूबबाट पनि प्रशारण गरिएको चलचित्रकर्मी कलाकार दिपक राज गिरिले बताए ।
चलचित्रको डिजिटल अधिकार लिएको आमा अग्नीकुमारी मिडियाले यो चलचित्रलाई आफ्नो च्यानलमा रिलिज गरेको हो ।
फिल्मका अभिनेता तथा निर्माता दीपकराज गिरीले फिल्म यूट्यबुमा आएको जानकारीसहितको स्टाटसमा लेखेका छन् – ‘आदरणीय मित्रहरू, हाम्रो पछिल्लो चलचित्र ‘छ माया छपक्कै’ पनि युट्यूबमा आएको छ । यो राजनीतिक कथाबस्तुमा आधारित चलचित्रलाई तपाईंहरुले धेरै माया दिनु भएको छ ।
धेरै दर्शकले यो चलचित्रलाई हलमा, चलचित्र एपमा, डिस होममा हेरेर माया गर्नु भो, आजदेखि एचडी क्वालिटीसहित यूट्युबमा आएको छ । हेरेर प्रतिक्रिया पाउँ ।’
अभिनेता केदार घिमिरेले फेसबुकमा लेखेका छन् –‘छ माया छपक्कै फूल चलचित्र शेयर गरेर सबै दर्शक समक्ष पुर्याइ दिनु हुन अनुरोध गर्दछु ।’
दीपेन्द्र लामाको कथा तथा निर्देशनमा यो फिल्म बनेको हो ।फिल्ममा दीपकराज गिरी, केकी अधिकारी, केदार घिमिरे, सुपुष्पा भट्ट, जितु नेपाल आदि कालकारहरुले अभिनय गरेका छन् ।
