काठमाडौं,फाल्गुन १७ । अभिनेता पल शाह पछिल्लो समय म्युजिक भिडियोमा निकै व्यस्त छन्।‘टाढा भए पनि’ बोलको गीत पल र मलिका अभिनित पछिल्लो चर्चित गीत हो। यस गीतले १५ दिनभित्रै एक करोड भ्युज प्राप्त गरेको छ।
फूल बुट्टे सारीको अपार सफलता पछि नायक पल शाह र मलिका महत फिचर्डमा म्युजिक भिडियो “टाढा भएपनी” ले नयाँ रेकर्ड कायम गरेको छ ।
केन्द्र मोसन्स पिक्चर्स युट्युब च्यानल बाट रिलिज गरिएको गीतलाई फिमेल भर्जनमा कभर गरिएको हो। गीतमा आवाज अस्मिता अधिकारीले दिएकी छिन् ।
नेपालमा सबैभन्दा छोटो समयमा एक करोड भ्युज पाउने गीतमध्ये एक गीत ‘टाढा भए पनि’ बन्न पुगेको हो।
उर्गेन डोङको शब्द संगीत र एरेन्ज रहेको गीतको भिडियोलाई विवेक रसाइलीले निर्देशन गरेका छन् ।यसभन्दा अघि फूल बुट्टे सारीले १८ दिनमा १ करोड भ्युज ल्याएर नेपालमा नयाँ रेकर्ड राखेको थियो।
