प्यूठान, साउन ७ । केहि समय यता सामाजिक संजालमार्फत ‘We Are One Royal Pyuthan’ ग्रुप सामाजिक कार्यमा सक्रिय हुदै आएको छ । आर्थिक अवस्था कमजोर भएका परिवार तथा स्वास्थ्य उपचारमा आर्थिक भएकाहरुलाई सामाजिक संजालमार्फत रकम संकलन गरि हस्तान्तरण गर्दै आएको छ ।

ग्रुपले ट्याक्टर दुर्घटना भई गम्भीर घाइते भएका झिमरुक गाउपालिका ७ का २२ वर्षीय आकास घिमिरेको उपचारका लागि विहिवार ६ हजार ५ सय ५५ रुपैयाँ सहयोग गरिएको वसन्त पोख्रेलले जानकारी दिए । उपचारमा आर्थिक अभाव भएको भन्ने थाहा पाएपछि ग्रुपमा सहयोग संकलन अभियान सूरु गरिएको उनको भनाई छ। ग्रुपले यसअघि पनि विभिन्न सामाजिक कार्य गर्दै आएको छ ।

गम्भीर घाइते घिमिरेको अहिले काठमाडौ स्थित BNB अस्पतालमा उपचार भईरहेको छ ।