दिपेश राज नेपाल बुटवल १८ फागुन सहिद स्मृति आधारभूत विद्यालयको आइतबार सम्पन्न अधिवेशनले डि. वि. रसाइलीको अध्यक्षतामा नयाँ नेतृत्व चयन गरेको छ । जसको सदस्यहरुमा होमनाथ डोटेल, सविता नेपाली, कमला परियार, दल बहादुर आलेमगर र उमा जि.सि. निर्विरोध चयन भएका छन् । त्यसैगरी जनप्रतिनिधिबाट वडा सदस्य नकुल शाही ठकुरी, शिक्षक प्रतिनिधि सोमनाथ पुरी र प्रधानध्यापक प्रकाश गौतम चयन भएका छन् ।
बुटवल उपमहानगरपालिकाका शिक्षा महाशाखा अधिकृत टिकाराम पन्थीको संयोजकत्व, जनप्रतिनिधि वडा नं. ११ का वडासदस्य नकुल शाही ठकुरीको प्रमुख आतिथ्यतामा भएको उक्त कार्यक्रममा बुद्धनगर–नहरपुर खानेपानी संस्था तथा तिनाउ पश्चिम फोहर व्यवस्थापन समितिका अध्यक्ष आशिष सूर्यवंशीमगरले शुभकामना मन्तव्य राखेका थिए । कार्यक्रमको संचालन शिक्षक सोमनाथ पुरीले गरेका थिए । त्यसै गरी निवर्तमान अध्यक्ष लाल बहादुर सुनारको अध्यक्षतामा शिक्षक अभिभावक संघ समेत चयन भएको छ ।
जसको सदस्यमा राम बहादुर के.सी., सावित्रा टण्डन, रामकली परियार, बलराम रानामगर, ईश्वरी प्रसाद श्रेष्ठ, गीता वि.क., दिलु गाहा थारु र शिक्षक प्रतिनिधिमा उमा पाण्डे चयन भएका छन् । कार्यक्रममा समाजसेवी महेन्द्र भुसाल, जागरण टोल विकास संस्थाका अध्यक्ष विरेन्द्र पौडेल, शिवालय टोल विकास संस्थाका विष्णु जि.सि., विद्यालयका पूर्व अध्यक्ष धन बहादुर वि.क., भगवति टोल विकास संस्थाका अध्यक्ष टोपलाल भुसाल, राजाराम वि.क. लगायतको उपस्थिति रहेको थियो ।
