फागुन २९,२०७६ उत्तम कुमार थापा जयपृथ्वी नगरपालिका वडा नम्बर २ बाँझगाउँमा बौलाह स्यालले आतंक मच्चाउन थालेका छन् । स्यालको टोकाईबाट बाँझगाउँका दर्जनौं स्थानीय र जनावर घाइते भएका छन् । बौलाह स्यालको आक्रमणबाट जयपृथ्वी नगरपालिका २ का रामदेवी जोशी, बेलुदेवी जोशी, मन्धरा खत्री गायत्री जोशी घाइते भएका छन् ।
त्यस्तै स्यालले सोही ठाउँका लक्ष्मीराज जोशीको एक कुकुर मरेको छ भने तिर्थराज जोशीको एक भैसी, जयराज जोशीका दुई गाई, कमला जोशीको एक गाई, लक्ष्मीराज जोशीको एक बाख्रा, मनराज जोशीको एक कुकुर, जगे खत्रीको एक कुकुर घाइते भएका छन् । फागुन २८ गते वडा नम्बर २ को स्वास्थ्य इकाई केन्द्रमा काम गर्ने दुई जना पनि बौलाह स्यालले आक्रमण गरि घाइते बनाएको बनाएको खबर प्राप्त भएको छ ।
