चैत ३ – झापा-अटो रिक्सा चालक सिवा देशमा केही गर्न नसकिने रहेछ भनेर रोजगारीका लागि खाडी मुलुक लागे केही बर्ष अघि।तर त्यहाँ पनि मेहेनत नगरि नहुने रहेछ भन्ने कुरा थाह पाए। त्यसपछि उनी फेरि नेपाल नै फर्किए।उनका लागि अन्य काम गर्न त्यतिमन लागेन। आर्थिक अवस्था कमजोर भएकाहरुका लागि त्यति सजिलो कहाँ छ र नेपालमा भनेर निकै बिरक्तिए।जीवन त चलाउनै पर्छ भनेर बिर्तामोडमा रहेको हलेसी ट्रेड लिंकमा गएर एउटा अटो रिक्सा खरिद गरे। अहिले त्यही अटो रिक्सा चलाएको आम्दानी उनको जीवनयापनको सहारा बनेको छ।
तर उनको अर्को प्रतिभा लुकेर बसेको थियो। उनी गायन क्षेत्रमा अब्बल छन्। त्यही कुरा हलेसी ट्रेड लिंकका सञ्चालक चूडामणि पौडेलले उनका लागि गीत निर्माण गरिदिने वाचा गरिदिए र सोमबार सन्तोषको स्वरमा रहेको गीत सार्वजनिक भयो।झापाको बिर्तामोडमा एक कार्यक्रमकाबीच म्युजिक भिडियोसहितको उक्त गीत सार्वजनिक गरियो।
