सुचनाडबली सहकर्मी/१० चैत, बुुटवल । कोरोना भाइरस (कोभिड-१९)को महामारीलाई राहत दिन बुटवलका विद्यार्थीले ‘स्मार्ट सेनिटाइजर डिस्पेन्सर निर्माण गरेका छन् ।पाँचजना विद्यार्थीले ३ दिन लगाएर स्मार्ट सेनिटाइजर डिस्पेन्सरको निर्माण गरेका हुन् । यसलाई उनीहरुले कोभिड-१९ को महामारीलाई राहत दिन निर्मित स्वचालित परियोजना भनेका छन् ।तीन दिनको मेहनतपछि स्मार्ट सेनिटाइजर डिस्पेन्सरको सफलतापूर्वक निर्माण गरिएको समूहका दिनेश वलीले बताए ।
उनीसँगै दिनेश बस्याल, विवेक पौडेल, वसन्त पौडेल, सुजन पौडेल, टेक जोन ट्रेडर्सका म्यानेजिङ डाइरेक्टर अनन्त न्यौपाने र ललित राहुल मगरले सेनिटाइजर डिस्पेन्सर बनाइका हुन् ।खासगरी कोरोनाको संक्रमण हातबाट छिटो फैलिने हुनाले उनीहरुले सार्वजनिक स्थानमा सचेतना जगाउँदै निर्माण गरिएको स्मार्ट सेनिटाइजर डिस्पेन्सरलाई राख्ने समति जनाएका छन् ।
सडकमा आवतजावत गर्ने र भिडभाडमा कोरोना संक्रमणबाट लाग्न सक्ने भएकाले सेनिटाइजर डिस्पेन्सरको प्रयोग गरे यसबाट हातमा रहेका किटाणु मर्ने बुटवलको टेक जोन ट्रेर्डसका म्यानेजिङ डाइरेक्टर अनन्त न्यौपानेले बताए ।कोरिया नेपाल इन्स्टिच्युट अफ टेक्निोलोजिमा का विद्यार्थीहरुको ग्रुपले बनाएको स्मार्ट सेनिटाइजर डिस्पेन्सरको सफल परीक्षणसमेत गरिएको छ ।
यस मेसिनमा भरिएको सेनिटाइजर प्रयोग भएपश्चात् सकिएमा मेसिन सञ्चालन गर्ने अधिकृतलाई सकिएको सूचना जान्छ र अधिकृत व्यक्तिले सेनिटाइजर पुनःभर्नुपर्दछ ।हातहरूको सेन्सरबाटै आफै निश्चित मात्रामा स्यानिटाइजर हातमा झरेपछि मानिसले हातमा लगाउन मिल्ने गरी बनाइएको छ ।यसमा अन्तरनिर्मित इन्फ्रारेड अल्ट्रासोनिक स्मार्ट सेन्सर राखिएको छ । जसले स्वचालित रूपमा सेनिटाइजर वितरण गर्ने दिनेश बस्यालले बताए ।
