सुरेश पाण्डे चैत ११ कोरोना भाइरसको सङ्क्रमण फैलिन नदिन कपिलबस्तुमा भारतसँग सीमा जोडिएको विभिन्न नाकाबाट आवागमनमा रोकलगाइएको छ ।
कृष्णानगर नाकाबाट सर्वसाधारणलाई आवश्यक कामका लागी मात्रै आवतजावत गर्न पाउने छन् भने जिल्लाका मर्यादपुर नाका लगायत अन्य सिमा नाकाहरु अर्को सूचना प्रकाशित नहुन्जेलसम्मको लागी पुर्ण रुपमा बन्द भएको हो । जिल्लाका ८ वटा सीमा नाकाहरु विजयनगर, कृष्णनगर, भिल्मी, हर्दौना, रंगपुर, चाकरचौडा र हथिहवा मध्ये कृष्णनगर सीमा नाकाबाट मात्रै सर्वसाधारणहरु अति आवश्यक कामको आधारमा नेपाल भित्रन सक्ने प्रमुख जिल्ला अधिकारी दिर्घनारायण पौडेलले जानकारी दिनु भएको छ ।
त्यसै गरी कपिलवस्तुको मर्यादपुर नाकाबाट मालवाहक साधन बाहेक अन्य सवारी साधन र पैदल यात्रुलाई पूर्णरुपमा रोक लागाईएको प्रहरी चौकी मर्यादपूर प्रहरी नायब निरीक्षक हिमनाथ घिमिरेले बताउनु भएको छ ।
नाका भएर भित्रिने मालवाहक सवारीका चालक र सहचालकलाई भने सहायता कक्ष ‘हेल्थ डेस्क’मा स्वास्थ्य परीक्षण गराएरमात्र गन्तव्यमा जान दिइएको स्वास्थ्यकर्मीहरुले बताएका छन् ।
त्यस्तै स्थानीय प्रशासन र केन्द्रिय विभागीय निर्देशन अनुसार सुठौली भन्सार कार्यलयमा सुविधा पास बन्द गरी पैदल यात्रुसहित सवारी साधनमा रोक लगाईदा सवारीको चापमा कमि भए पनि मालवाहक सवारी निर्वादरुपमा आईरहेको कृष्णनगर र सुठौली भन्सार कार्यलयकाले जानकारी गराएको छ ।
यसैगरी कपिलवस्तुका स्थानीयतह लगायत विभिन्न संघ सस्थाहरुले कोरोना भाईरस सम्बन्धि सतर्कता अपनाउने जस्ता सन्देशहरु प्रवाह गरिरहेका छन भने विभिन्न स्थानमा मास्क वितरण गरिएको छ ।
