रुपन्देही ,२८ जेठ राष्ट्रिय सभाका माननीय सांसद खिमलाल भट्टराईले रुपन्देही जिल्लाको तिलोत्तमा नगरपालिका वडा नम्बर १० मैनहियास्थित गंगादेवी पशुफार्ममा भएको सामूहिक हत्याको सत्यतथ्य छानबिन गर्न माग गर्नुभएको छ । राष्ट्रिय सभाका का नेकपा का प्रमुख सचेतक समेत रहनु भएका भट्टराई ले आफ्नै जिल्लामा भएको यस्तो घटना ले दुखित बनाएकोले सामुहिक हत्याको यथाशीघ्र छानबिन र अनुसन्धान गरि सत्य तथ्य पत्ता लगाउन र दोषी उपर कडा भन्दा कडा कारबाही गर्न नेपाल सरकारका सम्बद्ध निकायको ध्यानाकर्षण गराउनु भएको छ ।
यस्ता घटनाले समजामा राम्रो सन्देश नजाने भन्दै रुपन्देही मा यस्तो घट्नु सुरक्षामा चुनौती थपिएकाले अनुसन्धान गरि सत्यतथ्य बाहिर ल्याउन समेत आग्रह गर्नु भएको छ ।समाजमा डरलाग्दो ढंगले देखा परिरहेका यस किसिमका आपराधिक मनोबृती फैलिन नदिन नागरिकलाई सुरक्षाको प्रत्याभुती गर्न समेत सम्बद्ध निकायको ध्यानाकर्षण गर्दै कुनै कुरामा कमि नराखी दोसिलाई कारबाहीमा ल्याउनु आग्रह गर्नु भएको छ। सोमबार राती ४० वर्षिय माधव मुसहर, ३७ वर्षिय जानकी मुसहर, १४ वर्षिय पोषराज मुसहर, १७ वर्षिय करन चौधरी र १७ वर्षिय आशिष चौधरीको बिभत्स हत्या भएको थियो ।
