काठमाण्डौ, भाद्र २५ । नेपाली चलचित्र क्षेत्रका अभिनेता जीवन लुइँटेलको आज जन्मदिन परेको छ । उनले आज आफ्नो ३९ औं जन्मदिन मनाउदैछन्। जन्मदिनको अवसरमा उनलाई आज सामाजिक सञ्जालमा सुभकामनाको ओइरो लागेको छ । नेपालि चलचित्रमा
छुट्टै पहिचान बनाउन सफल उनले चलचित्र ‘नाई नभन्नु ल’ बाट निकै चर्चामा आए ।
जीवनले करिअरमा ६० भन्दा बढी चलचित्रमा काम गरेका छन् । उनले अभिनय गरेका चलचित्रहरुमा ‘सानो संसार, मेरो एउटा साथी छ, कसम हजुरको, नसिब आफ्नो, नाई नभन्नु ल, म तिम्रो भैसकेँ, मालतीको भट्टी, अन्दाज, रिदम, नोटबुक, नाई नभन्नु ल २, स्टूपिड मन’ लगायतका चलचित्र चर्चामा रहेका थिए ।
हालसम्म दर्जनौ चलचित्रमा अभिनय गरेका लुइटेल पछिल्लो समय चलचित्रमा देखिएका छैनन् । वैबाहिक बन्धनमा बाँधिएपछि अमेरिका गएका उनी अहिले उतै समय बिताइरहेका छन् ।
